Viaxe a Dinamarca

En primicia, e recén subidiño a Youtube, aquí tendes a primeira parte (de 4 ou 5 que me vai levar) da grabación que fixemos cando viaxamos a Dinamarca no ano 1999 con motivo do intercambio cultural co pobo de Frederikssund.

Aínda tiñamos forzas para sacar unha última foto ó chegar a Santiago

Por suposto, non é o vídeo ó completo, que ninguén se preocupe pola vergoña que poida pasar ou pola súa reputación... o vídeo é unha selección dos mellores momentos (mostrables).

Xa sen más rodeos, aquí tende-lo vídeo. Desfrutádeo!

Excursión o Domingo

Lembrade todos que este domingo día 30 imos facer unha pequena excursionciña para rematar ben o ano vendo un concerto dos nosos compañeiros da Banda de Lalín, que celebran o seu XXVI Concerto de Reis cuns convidados moi especiais, entre os que se encontran Johan de Meij e David Childs.

Dende Catoira sairá un autobús gratuito para os membros da banda e cun custo de 3 euros para os alumnos da Escola de Música ou xente cercana que lle poida interesar (tendo preferencia os pertencentes á banda). Hoxe é o último día para apuntarse e a lista definitiva de xente recollerase hoxe no ensaio (ás 21:00, por se hai algún despistado) e despois poderanse completar as prazas libres ata encher o autobús.

Aquí vos deixo a páxina do evento en Facebook e o cartel por si queredes máis información.

Porque non todo vai ser traballar

Como bos amigos e compañeiros que somos, de cando en cando tamén nos gusta aparcar uns días os instrumentos e coller o autobús para facer alguha excursionciña a onde sexa. Dous bos exemplos foron estes dous viaxes nos que fomos a Mondariz  a pasar o fin de semana.

Monzariz 2005

Pasaron só dous anos entre unha e outra, pero moitas cousas pasan en dous anos (ademáis das cámaras dixitais), a xente vaise, outra ven, os máis pequenos medran, e os máis maiores... bueno, imos dicir que os maiores estamos igual.

Mondariz 2007

Aínda que unha fin de semana cos teus compañeiros da banda non pareza nada importante, acábase convertendo en algo máis ca eso. Pásalo ben cos teus amigos, acábaste facendo amigo de quen aínda non o eras, sae a relucir a alma festeira da xente e, por suposto, se fai sol poste moreno. Por cousas como estas unha simple excursión acaba resultando unha experiencia inolvidable para todos, na que a banda estreita lazos, chega coas pilas recargadas para o seguinte ensaio, e, para que mentir... déixanos historias para contar uns cantos anos...